We are a group of Egyptian bloggers really bothered by the blockage of the two-year-old blog "Epitaph_87" ( http://www.epitaph-87.blogspot.com/) along her gmail account (epitaph87@gmail.com), since October, 4th , 2008. She has sent you her problem and requests on Google Help Center and Blogger Support, but in vain. We wish that you'd help us retrieve that blog and account and answer the requests of our fellow blogress, sending you from (epitaph_1987@hotmail.com), and hopefully ASAP!
Just for notice, we have published this problem on our blogs!!
Thank you! Esmeralda
azmiralda82.blogspot.com
نظرا للمهرجان الصيفي السنوي و اللى بيقام كل سنه بحلول الصيف و اللى متمثل فى لبس جميع الالوان المنعشه بمعني الكلمه و برضه بعد اشتراكي بعنف فيه بالاصفر الجبار بتاعي, قررت ادارة الشركة بايعاز و تحريض من طارق ان لازم يتوضع حد للمهرجان ده بان يبقي فيه يونيفورن للجميع و اللي مش حيلتزم بيه سيتم ضربه بالنار فى ميدان عام و هو ما يتمثل بالخصم من المرتبطبعا بما اننا نعيش عصر الديموقراطيه قالوا الموضوع حيتعمل اعليه استفتاء للي عايز و اللي مش فطبعا بما ان الاداره هم اقدر الناس على تحديد ايه اللى فى مصلحة الشعب و ايه الكويس ليهم و اللى حيريحهم فتم الاتفاق على ان خلاص حيبقي فيه يونيفورم و اللي مش عاجبه برضه حيلبس يونيفورم و اللى مش حيلبس يونيفروم حيضرب بالنار و طبعا انتوا احرار, طبعا ده مجاش بالساهل كده و لا حصل بين يوم و ليلهوقت الاستفتاء كان شويه مؤيدين للموضوع على اعتبار ان الشركات المحترمه كلها بتلبس يونيفورن و مفيش اللبس العادي ده و شويه تانيين دول الوحشين بقي قالك لأ انتوا حتقيدونا ليه كده حنا عايزين نلبس على راحتنا ,كل يوم , نفس اللبس نفس اللبس ايه الملل ده , طبعا انا كنت من الجماعه الوحشين, و ده لييييييييييه . لأن ليا تاريخ مش و لابذ فى موضوع اليونيفورن ده, من تلات سنين فى الشتا بعيد عنك اتقال نفس الكلام فيما يخص لبس الشركات المحترمه فانا فرحت على اعتبار اني فتاه ساذجه و بتفرح باي حاجه لسه , و راحت الست مديرة من قسم جنبينا هى و واحده كمان و اختارت بدله و الحق يتقال بيجي ستوميت جنيه من افشخر المحلات و كانت ماركه ماركه يعني , و جت البدله , بدله صوف فيراني غامق مقلمه اسود فى ابيض و متسألش ازاي يامؤمن,الشهاده لله لون زباله زباله يعني , كنا عاملين زي فرقة فيران شغاله فى الاوبرا , البدله فتلت و نسلت من اول لبستين , زي ما يكون الخيط متضايق و لا ايه, طبعا موقف الاداره لا غبار عليه لان الشعب المتمثل فى المديره هو اللى اختار و الشركه هى اللى صرفت, بعد مرور فترة من الوقت تحول لقبي من الانسه أزميرالدا الى الانسه فطوطه حيث اني بدأت اعمل ريجيم و وزني اتهبد هبده جامده وسط الاوزان و البنطلون وسع بقي شبه الميكروباص و الجاكت كان ممكن ياخد حد معايا, لأ و مع كل البهدله ديه كان فيه اصرار غريب و تصميم اني استمر فى لبس البدله و الالتزام بيها حتي بعد ما البنات كلهم بطلوا يلبسوها , على اعتبار اني قريبة الاداره فحتبقي وحشه فى حق طارق يعني , قريبته مش ملتزمه , ازااااااااااااااااااي!!!!!فمن هنا اتكون فى اللاوعي ان اليونيفورن ده حاجه وحشه على نفسيتي فكنت رافضه الموضوع من اول يوم اتعرض فيه بس لما قرروا انه حيعملوه وقفت وقفة رجاله انه لأأأأأأأأأأ لازم اشوفه قبل ما يتعملالمهم بعد ما اتقرر ان خلاص فيه يونيفورن جاْت مرحلة اختيار الالوانكحلي , ده طارقلأ ده لون بتوع المدراس .. ديه ساره النحنوحه ايه رايكوا فى بترولي و الشيميز يبقي بيستاش و ممكن يبقي لبني برضه , ديه نرمينامممممم لا , خلوه رمادي احسنطيب والشيميز , يبقي لونه ايه , ديه نرمينيبقي بلولا بلو ايه بينك احلى اييييوه و تبقي البدله رصاصي مقلمه فى بينك , ديه سمربس مش اي رصاصي عايزينه رصاصي غامق, ديه شيرينها يا ازميرالدا ايه رايك ؟؟ و الله كحلي مش بطاللا البنات كلهم مش عايزين كحلي خلاص رصاصي زي ما قالوا و بلاش كحلي, و ربنا شخصيه مريحهطبعا الرجاله معدوش بالمراحل التلوينيه ديه ,فى وقفه و احده , مش حاقول حتى قاعده واحده اختاروا اللون كحلي غامق و القميص لبني و بدأوا فعلا فى التنفيذالبنات طلبوا من مدام عصمت ان يشوفوا عينات القماش عشان يحددوا لون القماش الاول طبعا الست جابت الالوان و معجبشلأ القماش وحشنوووووو اللون فاتح اويلاااااااا مالبسش كحليلا مش حلو ده اسود و رمادي؟؟؟ده مخطط لبني مش بينكايه رايكوا نخليه مقلم احمر؟؟لا احمر ايه طبعا فى هذه الاثناء كنت الحقيقه زهقت من الموال الاغبر ده و كلي امل ان يزهقوا و ميعملوش اليونيفورن و اخلص و نفسي البس الالونات الجديده يا ناس , اشمعني اناكانت مدام عصمت الحقيقه قربت تطلع من هدومها , فقالت لى بقولك ايه يا أزميرالدانعم يا ابلتي؟؟ايه رايك نعمل كحلي احنا و نخلص و سبيهم هما براحتهمو الله و ماله, اسخم من ستي الا سيدي , مش يونيفورن فى الاخر خلاص قشطه و قررنا نروح المصنع عشان يرفعوا المقاسات, و قابلنا الراجل قصدي الواد المسئول , حتي هذه اللحظه باسأل نفسي ليييييييييه الشباب غاوي يبهدل نفسه و يضحك الناس عليه , و الله مانا عارفه اوصفه من انهي ناحيه بالظبط من فوق لتحت و لا العكسهو عباره عن شاب ميخرجش عن 27 سنه لانه لو خرج تبقي مصيبه , يضع كاسكته بدون اهتمام على راسه و عاكش شعره الطويل و مكومه تحتها و فيه سكسوكه مربيها شبه التفه كده و سوالف رفيعه و طويله و باقي دقنه طالع بطريقه تنم عن لوك ديرتي و بعدين رباط جزمه لافه كام لفه على رقبته و فاتح القميص لحد الزرار التالت مما يدلك على مثله الاعلي الاسطورة تامر حسني , و بعدين نفس رباط الجزمه لافه على دراعه برضه , ضوافر طويله سودا تدل على اصالة الديرتي لوك و كفايه كده عليهربنا جبرنا و رفعوا المقاسات , و جاء بقي وقت الموديل , جابوا لنا كام صوره كده و اخترنا على اساس انها بدله يعني مش فستان صورايخو رحنا للبنات عشان الموديل على الاقل يختاروه قبل الالوان بصي احنا نعمله ببنستين كده من ورا و من ادام و جايه كدهه من فوقلا لا لا من فوق ديه مش اد كده احنا نجيبها من تحت الكتاف اشيكعارفين الجاكت بتاعي اللى جيت بيه من يومين , زيه كدهطيب و الرييه, مكتوبه صح , مش عايزينه مفتوح اوي , بصي زي دهلا بس ده كبير اويبصي حاولي تخلي اللى فوق اصغر من اللي تحت كده اشيكفى هذه الاثناء كنت باحاول اجمع ايه الرييه ده و لا زم يبقي مفتوح شويه عشان الشيميز يبانو استقروا على رييه ده , جهل , و اكتشفت ان كان فيه كام واحده عندها نفس الجهل بالمصطلحات ديهطيب و عايزن جيوب؟؟اه ليه لأ لا بلاش مش حتبقي حلوهخلوها قلابات بس كدهخلاص بلاش جيوبمدام عصمت بقي , خلوا بالكوا مستر حمدي قال مفيش جواكت قصيرهأن أن أأأأأأأأأأأأأأأأن زي كوباية الشاي المولعه لما تدلقها على وش واحد نايمايه ده لا كل واحد يلبس زي ما هو عايز ايوه مش كفايه اليونيفورم اللى فات مكنش حلولا مستر حمدي مش حيقول كده احنا سألناه و قال اللى انتوا عايزينهمدام عصمت بقي كانت خلاص وصلت لمرحله مش و لا بذ من ضيق الخلقو راحت مشوحه بايدها و هى رايحه تقعد خلاص اعملوا اللي انتوا عايزنه خلاص انتوا احرار , حسبي الله و نعم الوكيل ’ استغفرك و اتوب اليك , انا مالي , استغفر الله,اعتقد كان فاضل لها تكه و تقرا عدية ياسينو بدأوا فى رفع المقاسات و كل واحده بالطول اللي هي عايزاه ليها حق الستكان طارق قرف هو كمان الحقيقه فراح جايب عينات القماش السالف ذكرها و قاليا ده يا ده, يا الكحلي يا الرمادييا مستر طارق مش حلويا ده يا دهيا مستر طارق القماش خشنيا ده يا ده , الجدع كان خلاص على اخرهطيب بص اخر مرة نرمين حتروح تبص بصه اخيره عالقماش فى المحلاتطيب بكره حاقرر و خلو بالكوا حيبقي لكل واحد بدلتين مش واحده و التانيه على حسابكوا, يعني انا يا ربي مش عايزه واحده حيبقي فيه اتنين و واحده على حسابي كمان!!!!
وراحت نرمين تبص عالقماش و رجعت زي ما راحتخلاص يا مستر طارق حنعمل الرمادي اللى اختارتهسمر عشان لسه جديده فمش فاهمه بالظبط امتي تسكتبس يا مستر طارق ده مافيهوش خط بينك؟؟راح هابب فيها, انتي تسكتي خاالصانا بقي , يا مستر طارق انا عايزه كحلي انا رتبت نفسي عليه خلاص لا البنات كلهم لون واحدطيب بدله كحلي و بدله رماديلأ الاتنين رمادي
استغفر الله العظيم بقي
بتقولى ايييييييييه؟؟
فانا نتيجه للتاريخ القديم معاه و بما انى عارفاه اثرت السلامه و سكتطبعا بدل الرجاله جت و اتلبست و احنا لسه مستنيين اليونيفورن بتاعناو لا عزاء للرييه
بعد وجع القلب ده و جميع الاعضاء, المصنع اللي متفقين معاه استندل و بدأ البحث من تاني عن مصنع جديد و بدأوا من تاني رحلة البحث عن شكل ملائم للمحروسه البدله
بدل ما اوجع صوابعي و اكتب اللى حصل مع المصنع التاني , نرجوا اعادة قراءة اللى فوق لأنه ميتخيرش عن اللى ممكن يتكتب
طبعا الخيال الساذج لكثير من الناس و انا منهم حيصور ان الموضوع حيخلص على ان البدل تيجي, لأ للاسف
اللي حصل ان البدل جت و حسبي الله و نعم الوكيل
مفيش بدله توحد الله مظبوطه , اللي ضيق و اللي واسعه مبهوأه و اللي الكمام مأزعره و اللي شبه فطوطه , ده غير الطول المخجل للبدل , حاجه اخر ازعره, لأ و كله كوووووم و القمصان اللي كشت كوم تاني
سمر: يا بنتي البنطلون كان طويل قصرته اكمام البدله ضربت
نرمين : لا البدله واسعه خاالص ايه ده, و الياقه ناحيه قصيره و ناحيه طويله
شيرين : الجاكت قصير اوييييي و البنطلون حيتقطع من عليا , كان منظر مسخره الحقيقه
ساره: لا لا لا لا لا ايه ده دول بيفصلوا على مزاجهم , المقاسات مش مظبوطه
انا : منكوا لله يا بعدا , اي حد فيكوا
و طبعا كان فيه تبادل للاتهامات من نوعيه مش ده اللون و مش ديه المقاسات و مستر طارق هو اللي اختار القماش , ده قماش رجالي , ديه ساونا , و ضاع دم البدله
بما ان نيتي كانت كويسه و لا ايه فى الموضوع ,البدل بتاعتي طلعت مظبوطه الى حد ما يعني بغض النظر عن البنطلونات اللي راحت عشان تتقصر و الياقه اللي ناحيه طويله و ناحيه قصيره و القميص اللي عايز يتوسع حبتين
بعدها بفتره عرفت ان منى راجعه الشغل تاني فاكيد اكيد حتحتاج بدله , امال حتيجي الشغل كده !!!! فانسانيا مني عرضت عليها تاخد واحده من بدلي و انتشر الخبر و بدأ صراع غير معلن بين البنات , مين اكتر واحده عندها انسانيه عايزه تخلص و تديها بدلتها ؟؟ و بدأوا يقطعوا عليا , بس الحمد لله العطا رسي عليا و اديتها البدله بالشفا و استرديت فلوسي
نيها هاها هاهاااااااااااا
