الريس عمر و المخرج الفايبراشن
مش عارفه هو رغبه فى تعذيب نفسي و لا هو غباء و لا ايه بالظبط!!! تقريبا اقدر اقول اني ماليش فى افلام خالد يوسف بس متعرفش يا اخي اول ما ينزل له فيلم بابقي عايزه اشوفه على الرغم من اني بابقي عارفه اني حاندم و خصوصا لما تلاقي مفيش واحد يوحد ربه قال كلمه عدله على الفيلم
بادئ ذي بدء مش عارفه ليه الاصرار عالواد الني الطري ده هاني سلامه ؟؟؟ ما الدنيا مليانه شباب زى الورد , الواد ده طول الفيلم مفيش على بقي غير كلمه واحده , يا بني اخشن شويه مش كده و لا ايده ايه ده !!! ديه ايد راجل ديه !!! و دموعه الساخنه السحاحه الدحاحه , الله يخرب بيتك تحسه عايز تاخده فى حضنك و تطبطب عليه , متفهمنيش غلط يا ربيع
لا و المصيبه جايبه بين المزه القويه جامد سميه و الاخ غاده عبد الرازق, يا اخي هات حد بنفس الكفاءه مش واحد تحسه اختهم السهتانه
بعد الفيلم ده و الفيلم بتاع حين ميسره احب يكون ليا السبق اني اطلق عليه المخرج الفايبراشن لا تقوللي قهوة بتفور و لا مطره بترخ فى ليل غميق مع شبابيك بتخبط
و بعدين ايه التكنولوبيا العاليه ده, فيه مشهد بنوته بتجري ورا فراشه و بعد شويه المزه سميه قعدت تجري ورا الفراشه هى كمان على اساس يعني انها محبه للحياه و كده, الفراشه الحقيقه كانت بتتحرك فى مساحة متر فى متر و تلف و ترجع تاني و ليس ابعد من ذلك و ده ليييييييييييه؟؟؟ لأنها معموله جرافيك ماهم لو جابوا فراشه حقيقيه حتفط منهم و قفش يا عم و حلق بقي و لا يمكن حتقف على ايد سميه و تملس عليها كل الوقت ده الا لو هى متدربه فى سلك الحلو ,بس الامكانيات بقي ,فكرتني بالله يمسيها بالخير انيس فى بلاد العجائب
هاني يا حبة عيني كان تووول الوقت عنده كابوس انه فى صحرا و عايز يدخل بيتهم و مش عارف, مش فاهمه ليه صحراء الميكسيخ!!!!!!؟؟
فى اول الفيلم سي هاني راح السيما قال عشان يشوف الام المسيح معناة الكلام انهم سنة 2004 , معايا؟؟؟ اسم الفندق اللى هو سوفيتل الجزيره جه كام مره , سوفيتل ده قبل ما يبقي سوفيتل كان شيراتون لحد 2006 , معايا ؟؟ يعني ادارة الفندق اتحولت فى الفيلم فى عام 2004 قبل ما يتحول فى الحقيقه , قدره عجيبه على قراءه احداث المستقبل, سباق و الله يا خالد, انا غلطانه ؟؟؟ ماااشي احتمال , فى نفس الفيلم يا سبحان الله بوستر اعلان مكتوب فيه 2007 , طيب ممكن اكون غلطانه تاااااااني والاحداث بتدور فى تلات سنين , ماهو لو كده فاكيد اكيد الراجل جوز سميه اللى عنده المرض البطال و اللى باعت نفسها عشان تلم حق العمليه كان حيفيص و مش حيقعد تلات سنين و لا حتلحق تحوش له لانه كان خلاص فى المراحل الاخيره للمرض و مش حيستحمل و اساسا اساسا مين الشخص ده ؟؟ فالفيلم ده بيدور فى انهي وقت بالظبط؟؟ اختر ما بين الاقواس ( 2004 حيث الام المسيح - 2006 لما اسم الفندق اتغير قبل اوانه - 2007 لما ظهر البوستر ) و ليك الحلاوه
الاخ غاده قامت بدور جديد عليها الحقيقه الا و هو دور مصاصة كاتشاب اللى خر لما عورت هاني فى ايده و هاتك يا لحس للدم, ظريف الدور الحقيقه و جديد عالسيما المصريه , ماتقليش بقي فامبير و لا بتاع . و كان رائع اوي البراشوت اللى كانت لابساه فى اخر مشهد هو و الفطيرة اللى حاطاهاه على راسها
السيد هاني فوزي قال فى مجلة الكواكع انه قاصد الشيطان اللى بيحاول يوهم البني ادم انه هو الاله , ماشي فيه شيطان و فيه اله , فيه خير و شر , ابيض و بلا ازرق . مش شر فى شر فى شر و الكل مستسلم للشيطان و هو اللى بيحرك الكل و الكل خاضع ليه و ناس تانيه تقولك صراع الخير و الشر , خير انشاء الله فين الخير اللى كان فى الفيلم , الاخ هاني برضه فى الكواكع بتاعة الاسبوع ده بيقول ان الفيلم بيعرض غواية الشيطان للبني ادم, انهي بني ادم ده ؟؟ المعجب بالشيطان طول الفيلم و عايز يبقي زيه , و ديه تبقي غوايه !!! و لا هو شيطان فاشل و بيستسهل و بيمارس نفوذه على واحد نفسيته ضعيفه و محدش يجي لك فى غوايه
و خالد صالح الجرم ده كمان اللى عامل فيها بُرُق و عينيه اللى عماله تدي فلاشات و النكته انه من ايام الملك , وحد الله امال , هما شويه بودرة التلك دول اللى بيدوا السن ؟؟ ولا ينكن عشان شيطان بقي , ده على كده ممكن يكون عاصر خوفو كمان , لأ و ايه انا اصطفيتك ؟؟ ان ان ااااااااااان و مزيكا غريبه كده , خير اللهم اجعله خير , من اروع المشاهد الكوميديه اللى ممكن تتأرخ فى السيما
هو خالد يوسف ده فاهم غلط و لا انا اللى مش فاهمه حاجه و لا ايه بالظبط ما هو لو كده حد يفهمني يكلمني , مالاعتراف بالحق فضيله برضه و حاجي على نفسي و اقر اني مش بافهم بسهوله و مستوي ادراكي مش قادر يطلع له
نيجي للمشهد اللي بجد حز فيا , الاخ غاده عايزه فلوس تقامر فايه طلبت بنتها و قالت لها البسي و تعالي و اديتها لرااجل عربي عشان يسلفها , الراجل طلع مش و لابد و قبض البت عشان متفتنش , فايه جريت على مامتها و هى بتعيط وتشحتف, متخافيش يا أمه معملش حاجه انا بنت ,يا بنت الكلب, لامؤاخذه انا محروقه من الحته ديه , العبره بانه ملمسكيش و لا ان امك باعتك اصلا , اقل واجب كانت تتف فى وشها سواء لمسها او لأ
لمهم انهم كاتبين انه للكبار فقط لحد كده و ماشي فل بس اللى مش ماشي السبب اللى قاله السيد خالد الا و هو ان اللي مش كبار مش حيقدروا يفهموا اللى الفيلم عايزه يقوله و اللى انا اهه اهه طول بعرض و عندي 26 سنه و مفهمتوش و المصيبه ان المشهد الاخير فى الفيلم و اللي فيه خالد صالح بيحضن اسم النبي حارسه و الناس كلهم متجمعين و خاضعين ليه كنت فاكره فيه حاجه بعده و ان الفيلم لسه مخلصش و قعدت مستنيه, ساذجه
الراجل ده عايز يقول ايييييييه
بس برضه عشان ميتقلش عليا اني مش بيعجبني العجب او عينيا دايمه شايفه الحاجه الوحشه و باتربص فاللي عجبني مووووت فى الفيلم كان فساتين سميه ,عجبتني اوي الحقيقه
مش فاهمه ايه فيلم سفير جهنم اللى دخلته ده
بادئ ذي بدء مش عارفه ليه الاصرار عالواد الني الطري ده هاني سلامه ؟؟؟ ما الدنيا مليانه شباب زى الورد , الواد ده طول الفيلم مفيش على بقي غير كلمه واحده , يا بني اخشن شويه مش كده و لا ايده ايه ده !!! ديه ايد راجل ديه !!! و دموعه الساخنه السحاحه الدحاحه , الله يخرب بيتك تحسه عايز تاخده فى حضنك و تطبطب عليه , متفهمنيش غلط يا ربيع
لا و المصيبه جايبه بين المزه القويه جامد سميه و الاخ غاده عبد الرازق, يا اخي هات حد بنفس الكفاءه مش واحد تحسه اختهم السهتانه
بعد الفيلم ده و الفيلم بتاع حين ميسره احب يكون ليا السبق اني اطلق عليه المخرج الفايبراشن لا تقوللي قهوة بتفور و لا مطره بترخ فى ليل غميق مع شبابيك بتخبط
و بعدين ايه التكنولوبيا العاليه ده, فيه مشهد بنوته بتجري ورا فراشه و بعد شويه المزه سميه قعدت تجري ورا الفراشه هى كمان على اساس يعني انها محبه للحياه و كده, الفراشه الحقيقه كانت بتتحرك فى مساحة متر فى متر و تلف و ترجع تاني و ليس ابعد من ذلك و ده ليييييييييييه؟؟؟ لأنها معموله جرافيك ماهم لو جابوا فراشه حقيقيه حتفط منهم و قفش يا عم و حلق بقي و لا يمكن حتقف على ايد سميه و تملس عليها كل الوقت ده الا لو هى متدربه فى سلك الحلو ,بس الامكانيات بقي ,فكرتني بالله يمسيها بالخير انيس فى بلاد العجائب
هاني يا حبة عيني كان تووول الوقت عنده كابوس انه فى صحرا و عايز يدخل بيتهم و مش عارف, مش فاهمه ليه صحراء الميكسيخ!!!!!!؟؟
فى اول الفيلم سي هاني راح السيما قال عشان يشوف الام المسيح معناة الكلام انهم سنة 2004 , معايا؟؟؟ اسم الفندق اللى هو سوفيتل الجزيره جه كام مره , سوفيتل ده قبل ما يبقي سوفيتل كان شيراتون لحد 2006 , معايا ؟؟ يعني ادارة الفندق اتحولت فى الفيلم فى عام 2004 قبل ما يتحول فى الحقيقه , قدره عجيبه على قراءه احداث المستقبل, سباق و الله يا خالد, انا غلطانه ؟؟؟ ماااشي احتمال , فى نفس الفيلم يا سبحان الله بوستر اعلان مكتوب فيه 2007 , طيب ممكن اكون غلطانه تاااااااني والاحداث بتدور فى تلات سنين , ماهو لو كده فاكيد اكيد الراجل جوز سميه اللى عنده المرض البطال و اللى باعت نفسها عشان تلم حق العمليه كان حيفيص و مش حيقعد تلات سنين و لا حتلحق تحوش له لانه كان خلاص فى المراحل الاخيره للمرض و مش حيستحمل و اساسا اساسا مين الشخص ده ؟؟ فالفيلم ده بيدور فى انهي وقت بالظبط؟؟ اختر ما بين الاقواس ( 2004 حيث الام المسيح - 2006 لما اسم الفندق اتغير قبل اوانه - 2007 لما ظهر البوستر ) و ليك الحلاوه
الاخ غاده قامت بدور جديد عليها الحقيقه الا و هو دور مصاصة كاتشاب اللى خر لما عورت هاني فى ايده و هاتك يا لحس للدم, ظريف الدور الحقيقه و جديد عالسيما المصريه , ماتقليش بقي فامبير و لا بتاع . و كان رائع اوي البراشوت اللى كانت لابساه فى اخر مشهد هو و الفطيرة اللى حاطاهاه على راسها
السيد هاني فوزي قال فى مجلة الكواكع انه قاصد الشيطان اللى بيحاول يوهم البني ادم انه هو الاله , ماشي فيه شيطان و فيه اله , فيه خير و شر , ابيض و بلا ازرق . مش شر فى شر فى شر و الكل مستسلم للشيطان و هو اللى بيحرك الكل و الكل خاضع ليه و ناس تانيه تقولك صراع الخير و الشر , خير انشاء الله فين الخير اللى كان فى الفيلم , الاخ هاني برضه فى الكواكع بتاعة الاسبوع ده بيقول ان الفيلم بيعرض غواية الشيطان للبني ادم, انهي بني ادم ده ؟؟ المعجب بالشيطان طول الفيلم و عايز يبقي زيه , و ديه تبقي غوايه !!! و لا هو شيطان فاشل و بيستسهل و بيمارس نفوذه على واحد نفسيته ضعيفه و محدش يجي لك فى غوايه
و خالد صالح الجرم ده كمان اللى عامل فيها بُرُق و عينيه اللى عماله تدي فلاشات و النكته انه من ايام الملك , وحد الله امال , هما شويه بودرة التلك دول اللى بيدوا السن ؟؟ ولا ينكن عشان شيطان بقي , ده على كده ممكن يكون عاصر خوفو كمان , لأ و ايه انا اصطفيتك ؟؟ ان ان ااااااااااان و مزيكا غريبه كده , خير اللهم اجعله خير , من اروع المشاهد الكوميديه اللى ممكن تتأرخ فى السيما
هو خالد يوسف ده فاهم غلط و لا انا اللى مش فاهمه حاجه و لا ايه بالظبط ما هو لو كده حد يفهمني يكلمني , مالاعتراف بالحق فضيله برضه و حاجي على نفسي و اقر اني مش بافهم بسهوله و مستوي ادراكي مش قادر يطلع له
نيجي للمشهد اللي بجد حز فيا , الاخ غاده عايزه فلوس تقامر فايه طلبت بنتها و قالت لها البسي و تعالي و اديتها لرااجل عربي عشان يسلفها , الراجل طلع مش و لابد و قبض البت عشان متفتنش , فايه جريت على مامتها و هى بتعيط وتشحتف, متخافيش يا أمه معملش حاجه انا بنت ,يا بنت الكلب, لامؤاخذه انا محروقه من الحته ديه , العبره بانه ملمسكيش و لا ان امك باعتك اصلا , اقل واجب كانت تتف فى وشها سواء لمسها او لأ
لمهم انهم كاتبين انه للكبار فقط لحد كده و ماشي فل بس اللى مش ماشي السبب اللى قاله السيد خالد الا و هو ان اللي مش كبار مش حيقدروا يفهموا اللى الفيلم عايزه يقوله و اللى انا اهه اهه طول بعرض و عندي 26 سنه و مفهمتوش و المصيبه ان المشهد الاخير فى الفيلم و اللي فيه خالد صالح بيحضن اسم النبي حارسه و الناس كلهم متجمعين و خاضعين ليه كنت فاكره فيه حاجه بعده و ان الفيلم لسه مخلصش و قعدت مستنيه, ساذجه
الراجل ده عايز يقول ايييييييه
بس برضه عشان ميتقلش عليا اني مش بيعجبني العجب او عينيا دايمه شايفه الحاجه الوحشه و باتربص فاللي عجبني مووووت فى الفيلم كان فساتين سميه ,عجبتني اوي الحقيقه
مش فاهمه ايه فيلم سفير جهنم اللى دخلته ده
